قاضي عبدالمجيد عابد

عـبـدالمجـيـد عـابـد، قاضـي: نامـيـارو صحافـي ۽ سـياسـتدان عبدالمجيد عابد ولد قاضي عبدالقيوم، 2 مارچ 1915ع تي سيوهڻ، ضلعي ڄام شوري ۾ پيدا ٿيو. سندس والد سرگرم سياسي ماڻهو هو، جنهن ريشمي رومال تحريڪ ۾ اهم ڪردار ادا ڪيو. عبدالمجيد عابد پاڪستان ٺهڻ بعد 1958ع ۾ ‘عبرت’ اخبار حيدرآباد مان جاري ڪئي. قاضي عبدالمجيد آل پاڪستان نيوز پيپر سوسائٽي ۽ سي. پي. اين. اي جو عهديدار رهيو. سياست جي شروعات 1979ع کان ڪيائين، ۽ ميونسپل ڪارپوريشن جو ڪائونسلر بڻيو. 1980ع ۾ سنڌ جي صوبائي ڪائونسل جو رڪن بڻيو ۽ ڪجهه عرصي بعد صوبائي وزير بڻيو. 1985ع ۾ غير جماعتي چونڊن ۾ مير علي احمد ٽالپر کي شڪست ڏئي قومي اسيمبليءَ جو ميمبر بڻيو. هو ڪابينا ۾ مختلف وزارتون سنڀاليندو وزير خوراڪ بڻيو، ان بعد اطلاعات جو وزير بڻيو. 1988ع ۾ محمد خان جوڻيجي جي حڪومت جي خاتمي بعد هن پيپلز پارٽي ۾ شموليت اختيار ڪئي ۽ هڪ ڀيرو ٻيهر 88 وارين چونڊن ۾ قومي اسيمبلي جو رڪن بڻيو. 1993ع وارين چونڊن ۾ سندس تڪ تان سندس فرزند قاضي اسد عابد اليڪشن وڙهيو ۽ ڪامياب ٿيو.قاضي عبدالمجيد عابد 27 آگسٽ 1996ع تي وفات ڪئي.

داخلا ۾ استعمال ٿيل تاريخون

1915.03.02  عيسوي

نامـيـارو صحافـي ۽ سـياسـتدان عبدالمجيد عابد ولد قاضي عبدالقيوم، 2 مارچ 1915ع تي سيوهڻ، ضلعي ڄام شوري ۾ پيدا ٿيو.

1996.08.27  عيسوي

قاضي عبدالمجيد عابد 27 آگسٽ 1996ع تي وفات ڪئي.

صحافي - ڀاڱي جون ٻِيون داخلائون